გსურთ, ინტერიერი უფრო საინტერესო გახადოთ? სცადეთ ოთახში ერთი კედლის გამოკვეთა!
ჩვენ შევარჩიეთ საუკეთესო ვარიანტები, რომლებიც თქვენს სივრცეს მეტ ხიბლს შესძენს.
- ხელნაკეთი შპალერი
ბინაში აქცენტური კედლის გაკეთების ერთ-ერთი საუკეთესო გზა უნიკალური შპალერია. მაგალითად, ქვემოთ მოცემულ სასადილო ოთახში კედლები ღია ფერებშია, ერთი მათგანი კი გაფორმებულია ხელნაკეთი შპალერით, რომელზეც ოქროსფერი წეროებია დატანილი. ასეთი დეტალი ინტერიერს ელეგანტურობას, სიმსუბუქესა და განსაკუთრებულ ატმოსფეროს სძენს.
- კედლის მხატვრობა
თუ გსურთ, ინტერიერში უნიკალური დეტალი დაამატოთ, კედლის მხატვრობა შესანიშნავი გადაწყვეტილებაა. მხატვარი თქვენი ესკიზის ან დიზაინერის ჩანაფიქრის მიხედვით შექმნის
ექსკლუზიურ გამოსახულებას. მაგალითად, ამ საძინებელში საწოლის თავზე დახატულია მთების პეიზაჟი. ეს დეკორი ბინის მფლობელების ჰობს ასახავს და სივრცეს სიმშვიდისა და ჰარმონიის შეგრძნებას სძენს.
- კედლის პანელები
კედლის დეკორაციის კიდევ ერთი ეფექტური გზა პანელებია. თანამედროვე ბაზარზე მათი მრავალფეროვანი არჩევანია, რაც საშუალებას გაძლევთ შეარჩიოთ ფაქტურა და ვიზუალი
თქვენი გემოვნებით. ამ დიზაინში აქცენტური კედელი გაფორმდა პანელებით, რომლებიც ვიზუალურად შოკოლადის ფილას ჰგავს. მათი განლაგება ოპტიმალურად მიესადაგა საწოლსა და ტუმბოებს, რითიც შეიქმნა სიმეტრიული, კლასიკური და მოწესრიგებული სივრცე.
- კერამოგრანიტი + ხის ძელი
თუკი ბუნებრივი მასალების კომბინაცია მოგწონთ, შეგიძლიათ კერამოგრანიტი ხის ძელებთან შეუხამოთ. ამ თანამედროვე ინტერიერში მისაღები ოთახის ერთი კედელი გაფორმდა მსხვილი შავი კერამოგრანიტით და ხის დეკორატიული ძელაკებით. ასეთი კომბინაცია სივრცეს ერთდროულად სიდინჯესა და სითბოს ანიჭებს.
- გიფსის 3D პანელები
თუ ინტერიერში აქცენტის დამატება გსურთ, მაგრამ ფერის შეცვლა არ გინდათ, იდეალური ვარიანტია თაბაშირმუყაოს 3D პანელები. მათი რელიეფური ტექსტურა სივრცეს მოცულობას
სძენს და უფრო დინამიურს ხდის. განსაკუთრებით ეფექტურად ისინი საღამოს განათების ფონზე გამოიყურებიან, რადგან სინათლე მათ ზედაპირზე ჩრდილებს ქმნის და დამატებით სიღრმეს მატებს. აირჩიეთ თქვენთვის საუკეთესო იდეა და აქცენტური კედლით თქვენი ინტერიერი უფრო ორიგინალური გახადეთ!
